“Da ka pisa shnong Mawryngkneng, ia ka mukotduma jong U Sordar”

Shillong, 11 K’lyngkot:
Kaba haiing hasem jong ka khynnah ba shah kynnoh leh beijot ha Mawryngkneng, ka kong Bell, kaba dei na shnong Mawryngkneng, ka la ong ba kan nym shah ia ka shnong ba kan pynlut da ka pisa shnong ban iasaid mukotduma ia u Sordar ba shah kem u Bah Peter J Lawai.
Haba kren mynta ka sngi ha shwa ban iaid paidbah ha Madan Iewrynghep, ba pynlong da ka Thma u Rangli (TUR) bad ka CSWO, ka Kong Bell kala ong ba ka la kynnoh ba u sordar shnong u kwah ban pyniasuk ia kane ka jingjia kaba ktah mat iong ia ka imlang shalang.
Ka la ong ba ka shnong ka la thmu ban pyndonkam da ka pisa shnong ban iasaid mukotduma ia u Sordar ba shah kem ban pynlait jamin.
“Lada nga la leh ia kano kano ka jingbakla, lane lada nga la bat bor shynrang iano iano u ujor sha ki pulit bad phah kem ia nga”, ka la ong ka Kong Bell.
Kala ong kumba juh long man ka snem la juh pyrta shnong ban ia rakhe ia ka Khristmas bad snem thymmai da ka jingjai jai bad kane ka jingpyrta ka mih na ka hukum jong ka dorbar shnong.
Ka la kynnoh ba ha kaba ka mih ka jingshah leh beijot ia ki kynthei ha shnong ha thaw la dei ban pynjari da ka hukum shnong ba ia ki nongleh kam sniew dei ban aiti sha ki pulit, hynrei kaei kaba la jia ka long ba u sordar shnong u kwah ban pyniasuk bad tap eit miaw ia kane ka jingjia dei ha dien ka saw tarik ba kala ai jingujor ba ka sa mih ka jingshah kem ia kiba don kti ban leh ia ka kam sniew bad kiba kwah ban buh rieh.