Nongpoh: Ka RBYF, Nongpoh Circle, myn hynnin ka sngi ka la pynlong da ka jingialang, kaba long ruh kum ka dak ban aikhublei kitbok kitrwiang ia u Samla Rilang Dkhar, na ka shnong Umshaken Ri Bhoi, uba la ioh ia ka kabu ban mih khmat na ka jylla sha ka 3rd lead 4th Bouldering All India Sport Climbing 2019 Competition, ka ban sa long ha ka 21 haduh 23 mynta u bnai ha Darjeeling.
Utei u samla, u la iathuh ba ia katei ka jingiakop kiew lum, la pynlong da ka India Mountaineering East Zone Committee, ia kaba yn sa pynlong ha Himalayan Institute Darjeling West Bengal bad utei u samla u la mihkhmat na ka Meghalaya Sport Climbing & Mountaineering Association.
Haba iadei bad katei ka jingpynkup burom, kitei ki nongialam ka RBYF, ki la ong ba ka daw kaba la pynlong ia ka seng ba kan aikhublei kitbok kitwriang ia utei u samla, ka dei namar ba dei tang ma u, uba la ioh ia ka kabu ban leit iashim bynta ha katei ka jingiakop, kaba la wan iashimbynta da kiwei pat ki nongkiew lum ha ka ri hi baroh kawei.
Nalor ba ki la ai ka jingkhublei kitbok kitrwiang, ki RBYF, ki la noh synniang ruh da ka pisa sha utei u samla, kaba long kum ka jingiarap ia u ba un leit iashimbynta ha katei ka jingiakop.
Phi don ban ong eiei?