Da ka Phutbol paralok bad ki nongthohkhubor yn rakhe Fit India Movement ki Pulit ka Ri Bhoi

Nongpoh: Haba iasnohktilang halor ka thong jong ka ‘Fit India Movement’, na ka liang ki Pulit ophisar ka Ri Bhoi bad ki Nongthoh khubor na Ri Bhoi, kaba ki la rai ban pynlong da ka jingialehkai phutbol paralok, ka ban sa long ha ka 4 tarik mynta u bnai ha Madan NSCA, Mini Stadium, Pahamsyiem, Nongpoh.

Ha katei ka jingialehkai phutbol paralok hapdeng ki Pulit ophisar ka Ri Bhoi pyrshah ia ki Nongthoh khubor ka Ri Bhoi, la shim ia ka phang pdeng ha ka ktien Nongwei kaba ong, ‘ Exercise is King, Nutrition is Queen, put them together and you have a Kingdom’.

Ka jingthmu katei ka phang halor ka Fit India Movement ka long hi ka thong bad a ka jingshim bynta ha ki kam ialehkai sport kan pynlong ia ki briew kiba koit ba khiah bad ban lait na ki jingpang jingshitom.

Katei ka jingialehkai phutbol paralok, kan sdang naduh ka por 2 baje janmiet bad u MLA ka Nongpoh, u Bah Mayral Born Syiem un sa wan ban shim bynta kum u kongsan