Da ka Nongmensong, dawa sha U DC

Shillong, 28 Iaiong:
U General Secretary jong ka Seng Samla Shnong Nongmensong u la phah shithi sha u Deputy Commissioner East Khasi Hills da ka jingkyrpad lyngba ki jingshisha, ha kaba ka sorkar Jylla, ha ka 2tarik Rymphang 1987, ka pyni shai ba la pynkylla ia ka kyrteng na ka Lalchanbasti sha ka Nongmensong.
Ha kane ka shithi ka Seng Samla Shnong Nongmensong ka pyntip sha u DC East Khasi Hills ba haduh mynta baroh ki dukan, ka State Bank, ki jaka jingpule kiba hap ha ka jingpeit ki bor ba halor ka sorkar, ba baroh ki dang ai kyrteng Nongmynsong, kaba long pyrshah katkum ka jing pynbna jong ka ka sorkar Meghalaya.
Kumta ka Seng samla Shnong Nongmensong ka kyrpad ia u DC EKH ban bthah ia baroh ki ophis sorkar, ki bank sorkar bad riewshimet, ki jaka jingpule, ki dukan bad kiwei kiwei baroh ban bud katkum ka jingpynbna jong ka sorkar Jylla, kata ban pynbeit noh na ka Nongmynsong, sha ka Nongmensong, khnang ban lait na kino kino ki jingbakla ia ki nongshong shnong bad ki briew kiba wan ba leit sha kane ka jaka.
Kane ka Seng Samla ka kyrpad ruh ia u DC EKH ban buh ka jingpynshitom ia kino kino ki bym bud ia kane ka rai kaba la passed hi da ka sorkar Meghalaya