Jowai: Kum shi bynta ban ïada na kane ka jingpang COVID-19 kat kum ka lad jingpynbeit na ka tnad ka koit ka khiah kaba ïadei bad ka Meghalaya Epidemic Diseases, Covid-19 (Fourth Amendment) Regulation, 2020.
Na ka liang u District Magistrate, ka West Jaiñtia Hills ula pynjari da ka kyndon hapoh ka Section 144 Cr.P.C kaba la bthah ïa baroh ban deng ïa ki mask ha baroh ki jaka paidbah ne ha kino kino ki jaka treikam. Lait noh tang ïa ki khynnah rit kiba don 2 snem shapoh bad kiba pang ‘asthma’ ki lah ban pyndonkam da ki jingda ba la shna kyrpang na la ïing ban ïada ka khmut bad ka shyntur ha ka por ba ki mih shabar.
Ha ka juh ka por u District Magistrate u la kyntu ban bud ryntih ïa ka jingpynïajngai iwei na iwei (Social Distancing) kumba 6 phut ne 2 meters eiei bad la khang pyrshah ban biah ne dih duma sha ki jaka paidbah. Kiba ïaid lait ïa kane ki lah ban shah pynshitom katkum ki kyndon aiñ. Kane ka hukum ka treikam mardor ha baroh kawei ka District tad haduh ban da pynbna da kumwei pat.
Phi don ban ong eiei?