Da ka ktien Khasi bamsmai u bah Titossterwel Chyne kum u MDC bapura

Shillong 27 Rymphang: U bah Titossterwel Chyne uba dei u MDC ba thymmai na Sohra Konstitwensi hapoh ka Khasi Hills Autonomous District Council (KHADC), mynta ka sngi palei, ka 27 tarik Rymphang 2025, u la bamsmai ialade kum u MDC ba bapura.

Ha katei ka jingbam smai na ka liang u bah Titossterwel Chyne marwei u ieng ban bamsmai da ka ktien Khasi kum MDC bapura, katba baroh ki MDC pat ki la bamsmai da ka ktien Nongwei ne ktien English.

U bah Titossterwel Chyne udei u wei u MDC barim napdeng kine ki MDC ba mynta ha kaba u lajop biang ha kane ka ilekshon MDC ha kane ka kynti ba mynta, ha kajuh por ruh u la long teng kum Chief Executive Members ka KHADC.

Ia baroh ki MDC ba thymmai hapoh ka KHADC, la pynbam smai mynta ka sngi da ka kong RM Kurbah, ka badei ka Deputy Commissioner jong ka East Khasi Hills District.

Ha ka jingiakren bad kilad pathai khubor, ha kaba iadei bad ka ka party United Democratic Party (UDP), ba ka kan iatreilang ne em bad ka National People Party (NPP), ha District Council, u bah Titossterwel u la ong ba ia mynta, ka UDP bad ka NPP ngin iaid la kajong ka KHADC.