Da ka jingthiah kaba 20phut, thied U Arthur, ban thiah bad ki 6ngut ki tnga jongu

U menkpa, uba na Brazil, ula kulmar jingmut shibun ha kine ki sngi, namar ba um ioh ban thiah lang bad la ki jong ki hynriew ngut ki tnga, ha kajuh ka jingthiah, namar ba ka jingthiah jongu, ka rit palat bad bunsien, u ju thiah noh ha madan, ban ioh thiah lang ha kajuh ka por bad ki hynriew ngut ki tnga.

Hynrei mynta, ula ioh ia ka buit kaba biang tam bad ula pynlut haduh £80,000 lane kaba shongdor T.81.54 lak, ha ka pisa India, ha kaba ula thied ia ka jingthiah, kaba 20 phut ka jingheh jongka bad katei ka long, ba un ioh thiah lang bad baroh 6ngut ki lok jongu, ha kawei ka jingthiah. Da katei ka buit U
Arthur O Urso, u kyrmen, ba ka jingieid jongu bad ki hynriew ki tnga, kan nang tehsong, namar ba u ioh ban pynlut por bad ki baroh ha kawei ka jingthiah, kaba heh da 20 phut la 7phut.

“Ka jingmut, na bynta ban thied ia katei ka jingthiah, ka dei namar ba ka rit palat ka jaka” ong U Arthur, uba na Sao Paulo jong ka ri Brazil. “Man ka por, ba nga dei ban thiah, nga don tang ka jingthiah, kaba long ban thiah arngut briew bad kumta, nga ju thiah noh ha madan, ban ioh ia thiah lang bad ki 6ngut ki tnga jongnga. Ha ka jingim jongnga, nga ju kwah ban thaw ia ki lad ki lynti, ban pynsuk ia la ka jong ka jingim bad ia la ki jong ki tnga ruh” ula ong shuh shuh.

U Arthur, ula pyni, ia ka dur jong katei ka jingthiah, kaba 20 phut, ha ka peij jongu, ha ka Instagram bad kaba u shim, ba ka dei ka jingthiah, kaba heh tam ha ka pyrthei.

U Arthur bad ka tnga ba nyngkong jongu, ka Luana, ki iakynduh ha u snem 2021 bad hadien kata, la pynlong ia ka jingiathoh jongu bad kiwei pat ki kynthei ha ka jingpyniaid ka balang katholik; tangba la iathuh ba katei kam shongain satia, namar ba ka Brazil, kam pdiang ia ka jingri bun tnga jong ki shynrang.

Kham mynshwa, U Arthur, u don 9ngut ki tnga, hynrei, ha u snem ba ladep, ula pyllait sanshyieng noh ia ki 4ngut bad hadien kata, u ia poikha sa ia ka Olinda Maria, kaba 51 snem ka rta bad mynta, u ia shong ia sah lang bad ka Luana Kazaki, 27, Emelly Souza, 21, Valquíria Santos, 24, Olinda Maria, 51, Damiana, 23, bad ka Amanda Albuquerque, 28. U Arthur, u ong ruh, ba u kwah ban pynioh khun lut, ia kitei ki tnga jongu, ba kin nym sngew kynjah ha ka jingim jongki.