U nongrep na Mangaluri District jong ka Karnataka, ula thaw ia ka mashin, kaba suk shibun ban kiew shajrong jong u dieng kwai, na ka bynta ban synreit dawai bad kumjuh ban kheit kwai ruh. Katei ka dei ka mashin, kaba la thaw da U K Ganapathi Bhat, u nongrep, uba don 60snem ka rta, ha kaba u thaw ia katei ka mashin ha ka dur jong ka thuk thuk bad ka dei kaba suk shi katdei ban kiew bad ban hiar na u dieng kwai.
Advertising
Katei ka video, ka dei kaba khring jingmut ia ki nongpeit kai bad wat U Anand Mahindra, uba dei uwei na ki heh spah, ula pynpaw, ba ka long kaba iahap shi katdei, namar ba ka dei ka mashin kaba sting shibun eh.
U Ganapathi, u iathuh ha ka Indianexpress, “Nga thaw ia kane ka mashin, namar ba ki nongkheit kwai ki la duna bha bad lyngba kane ka mashin, ki nongrep, ki lah ban kiew bad sumar hi ia ki dieng kwai. Katei ka mashin, ka dei kaba la pyrshang bha ha ka bri jongnga bad ka dei kaba ki la ai mynsiem shi katdei”.
U Ganapathi, uba dei ialade u samla pule saian, u iathuh ba katei ka mashin, ka khia 28 kilo bad ka don ar stroke ka engine jongka bad uno uno u briew, uba khia hapoh ka 80 kilo, u kwah ban kiew ia u dieng kwai hapoh laiphew sekhon bad un hiar na u dieng suki, da kaba pynlip noh ia ka mashin bad lah ban kiew haduh 80 tylli ki dieng, tang da kaba pyndonkam tang shi litar ka petrol. La pyndonkam ruh ia ka hydraulic drum lem bad shock absorber ha ka engine, lada jia ba ka engine ka bakla bad ka hap sha madan”.
Ka mashin, ka shongdor T.75,000 bad U Bhat, u kwah ban pyndonkam ia kaei ka mashin, ha kaba leit kheit ia ki snepkor ruh.
Phi don ban ong eiei?