|
Shillong: Ka kynhun jong ki sengbhalang lane ka Confederation Of Meghalaya Social Organization ka la sdang mynta ka sngi ia ka jing ia khih jongka ban dawa na ka bynta ban pyntreikam noh ia ka Inner line Permit da ka ba pynlong ia ka jingsieh lama iong ba baroh ki nongbah jong ki District ha rilum Khasi Jaintia bad rilum Garo.
 Ha nong bah Shillong ki la sdang ia ka jing pyndeng lama iong naduh Motphran da ka ba pyndeng lama ia ki kali jong ki riewpaidbah bad ha ki jaka iew, ha ka ba la shim bynta da ki nongialam bad ki dkhot jong ki sengbhalang bapher bapher kiba don hapoh kong ka COMSO.
Ha ki kynta ba ki dkhot ka seng, ki la dep sieh ia ki lama iong ha khyndai lad ki pulit ki la wan ban phut ia phut noh ia ki lama bad hadien ka jingtuklar jong ki nongialam ki la pynphai biang ia ki lama.
Ha ka jing ia kren bad ki lad pathai khubor, U President ka Hynniewtrep Achik National Movement u bah Lamphrangsngi Kharbani u la ong ba ka jing pynher lama iong, ka dei ka jingsdang jong ka jingia khih ka COMSO, na ka bynta ban dawa pyntrei kam Inner line Permit ha ka jylla. U la maham ruh ba lada ka sorkar kan dang sngap mynthi, ka COMSO kan pynkhreh da ka jingiakhih kaba jur nangne shakhmat.
 Ha ka jingia kren bad ki nongpathai khubor na ka liang u secretary ka HYC u bah Roykupar Synrem u la og ba ruh ba kampher ba ka sorkar kan wan rah ia kano kano ka Ain, hynrei ka dei ban don ia ki kyndon jong ka ILP .
|
Phi don ban ong eiei?