Da ka jingioh district thymmai ha Mairang, pynbna u Myntri Rangbah

Shillong: Ha ka 31 tarik u Lber 2021, u Myntri Rangbah jong ka Sorkar Jylla, u Conrad K Sangma, ha ka jingkren ba u la ai ha ka jingialang ha Manai ha ka por ba u la plie ia ka surok shnong, ia ka dorbar hall, ka jaka shong paidbah ha madan phutbol ha Manai, ba ka Mairang Civi Sub-division kan sa kiew kyrdan noh kum ka District.

U Myntri Rangbah u la ong ba u la ai distrik ia ka Mairang, namar ba ka West Khasi Hills District ka dei kawei na ki district kaba sahdien tam ha ka jylla ha kaba don ha ka kyrdan kaba shiphew kaba tam tang ia ka South West Khasi Hills District.

Ha katei ka jingkren u Conrad K Sangma, u la ong ba u da kmen shikat dei eh ban pynbna ba ka Mairang kan sa ioh ia la ka jong ka district namar u la ong ba ka Mairang ka dei kawei na ki district kaba u tip kaba dei hok ban ioh ia la ka jong ka Disrltrict.

Ha shwa ban pynbna ia kane da u Myntri Rangbah ka jylla, u Bah Metbah Lyngdoh u ba dei u nongmihkhmat jong ka Mairang bad ha kajuh ka por u ba dei u Lamphang jong ka iing dorbar thawaiñ bad u Bah Brolding Nongsiej u ba dei u nongmihkhmat jong ka Mawthadraishan bad u ba dei ruh u Myntri jong ka Sorkar Jylla ki la kyntu ia u Myntri Rangbah ba dei ban kyntiew noh ia ka Mairang Civil Sub-division sha ka district bad ban pynbna, ia kane ka khubor ha kane ka jingialang