Da ka ïing paka, aiti ka Seng Khasi Tyrsad sha kawei ka longïing ha Umlangmar

Ka Seng Khasi Tyrsad, lyngba ka Ehrngiew Committee, ka la ioh ban aiti ia kawei ka ïingsah ba paka sha kawei ka longiing jong I Kong Melinda Nongbet kiba dei na ka shnong Umlangmar.

Haba iohi ia kane ka jingduna ka iing jong I kong Melinda ha ka liang ka ioh ka kot bad kim da biang ka jaka sah kaba paka, na ka liang Ehrngiew Committee ka la pynlong ia ka jingkhmih bniah ia kane ka ïing ka sem bad ban jurip halor ka jingbit jingbiang jong ki. Hadien ba la iohi shisha ia ka jingduna, ka Ehrngiew Committee ka la leit ban lum ia u synniang na ki tnum ïing Seng Khasi ban lah ban iarap ha kaban shna ia kawei ka ïing na ka bynta jong ki.

Hadien ba ladep ban shna ia kane ka ïing, na ka liang ka Seng Khasi Khasi Kmie, ka la leit ban aiti ia kane ka ïing da u Rangbah Arwan Sing Tariang bad u Rangbah O. Pyngrope kiba dei ki Vice President ka Seng Khasi Kmie ha ryngkat ka jingiadonlang ki nongialam ka Seng Khasi Tyrsad, ka Sengbah Nongshat Nongkheiñ bad katto katne ngut ki nongialam jong ka Seng Khasi Kmie.