Shillong 28 Risaw: Ka jingkren tohmet bad ka jingkren khlemakor Ka bym lah shuh ban pdiang ha ka imlang ka sahlang baroh kawei, ha ka ba kawei ka samla khasi ka ba sah ha Banglalore ,ka ba la tip kyrteng ka Anisha, ha ka ba ki kyntien kren jong ka, ki ba la ktah ia ka jaitbynriew baroh kawei khamtam ia ka ri khasi, kumta na ka liang ka Hynniewtrep Integrated Territorial Organization (HITO) shillong City mynta ka sngi nyngkong la 28 tarik Risaw 2024, mar mar ka la leit ban ai da ka FIR ha ka ophis treikam u SP ka East Khasi Hills pyrshah ia katei ka samla.
Ha ba kren sha ki lad pathai khubor Balajied Jyrwa general secretary jong ka HITO shillong City ula ong, ba ka jingkren jong katei ka samla ka la ktah ia ka jaitbynriew baroh kawei khamtam ia ki khasi jong ngi bad Ka lah leh ruh ki kam ki bym lah shuh ban pdiang ka ba la thad ia ka Ri Khasi baroh kawei.
Ka video ka ba tei ka thei samla khasi ka la kren tohmet ia baroh ki khasi ka la saphriang sted ha ki rynsan social media, ha ka ba na kapor sha kapor ka ju pyni ialade ha Instagram ban pyni paidbah da kaba kren khlemakor bad kren tohmet ia ki khasi.
U samla Balajied u la ong, ba ka jingkren jong katei ka samla ym ba ka ktah tang ia iwei ne ar ngut hynrei ka la ktah ia baroh bad khamtam ia ki samla khasi.
Ula ong ruh, ba ka seng ka la kyrpad ruh, ba Ki bahaiing hasem jong kane ka thei samla kidei ban shimkhia, ban wan ialam noh ia ka sha iing sha sem ban sneng ban khraw khnang ban lait na ka jingleh klumar jongka.
Ha ka jingiakynduh ka seng ka la kyrpad ia u SP ba un shimkhia mardor ia kane ka jingwan buh jingujor, halor ka jingkren khlemakor bad tim sih jongka ia ki sengbhalang, ia ki pulit, ki samla bad ruh ia ki longkmie.
Kadei ngim dei ban ailad iakiba kum kine ki jait briew, Dei ban Ai jingsneng tyngeh ban nym don shuh ban dang mlien nangne shakhmat