Da ka ejahar ujor ka MPYC pyrshah ia u Arnab Goswami

Shillong: Myn hynnin ka sngi ka Meghalaya Pradesh Youth Congress (MPYC) kala ujor da ejahar pyrshah ia u ‘Editor in Chief’ ka Republic TV u Arnab Goswami daka kynnoh ba u la kren tohmet ia ka President ka seng sain pyrthei Indian National Congress (INC) ka Sonia Gandhi.

Haka ejahar bala ai haka thanat Tura Police Station jong ka West Garo Hills district u nong ialam ka MPYC u Richard M Marak, Pangsang R. N. Sangma bad u Gamrik K Sangma ki la kam ba u Arnab Goswami ha kawei ka prokram hapoh ka Republic TV u la pyrshang ban wanrah ia ka jing ia pher jingmut hapdeng ki niam hapoh ka ri India bad kumjuh ruh ia ka ri Italy.

Ka MPYC ka la kam ba ka jing kren tohmet u Arnab Goswami pyrshah ia ka Sonia Gandhi ha kawei ka prokram jong ka Republic TV ka long beain bad dei ban pynshitom ia u Arnab Goswami ha ki kyndon jong ka ‘Information Technology Act, 2000’ bad ki kyndon ka ‘Ministry of Information & Broadcasting’ ka ri India.