Da ka ehajar ujor u rangbah ba shah sei tuh, ki Challan dewiong

Nongstoiñ, 26 Lber:
Ha ka sngi Saitjain jong ka taiew bala lah u wei u rangbah, u ba na ka shnong Riangmaw West Khasi Hills District, u la leit ban ujor da ka ehajar ha thanad Nongstoin pyrshah ia kiba don kti ban sei tuh ia ka Challan dewiong jong u tei u rangbah.
Katkum ka ehajar bala wan ban ujor da u tei u rangbah la ong ba u la lap ia katei ka jingjia ha ka14 tarik mynta u bnai katba u dang thmu ban leit sei ia ki Challan ki jong u na ka ophis DMR kaba don ha Nongstoin, hynrei Mar ia poi ha katei ka ophis u la lap ba ia ki Challan ki jong u la dep ban wan sei tuh noh da kiwei ki briew ki bym shymla lah satia ban tip.
Hadien katei na ka liang jong u tei u rangbah u la ai da ka jingthoh sha u ophisar ka tnad DMR halor katei ka jingjia bad na ka liang jong ka tnad DMR kala pyntip sha u tei u rangbah ba ia ki challan MTC Book NO. 2236 SL NO. 22350, 223598 bad MEPRF Book NO. 22350 SL NO. 223598 kiba don ha ka kyrteng jong u tei u rangbah la wan ban sei noh da kiwei Pat ki briew ki bym shymla lah satia ban tip bad ithuh.
Shuh shuh la ong ruh ba ki nongsei tuh ia ki Challan jong u tei u rang ah kila pyndonkam ruh ia ka specimen signature ha ka kyrteng jong u tei u rangbah bad ia ka dur thep vote (EPIC) kaba la dep phah attested ha u DC jong ka East Garo Hills District.
Na ka liang jong u Officer Incharge ka Nongstoin Police Station u la ong ba ha kaba iadei bad katei ka jingjia na ka liang jong ki pulit kila dep ban register case bad ka jingtohkit ka dang iaid sha khmat.