Da ka ain set phatok, ia kiba pynshit than, ia la ki iing, hukum ka Switzerland

Ka Switzerland, ka dang pynkhreh, da ka ain, ban set phatok, ia kito kiba pynshit than ia la ki iing ki sem jongki, kaba long palat ia ka 19°C bad ka kyndon shong phatok, kan poi haduh lai snem kynthih bad ka daw, ka long namar ba kan don ka jingduna jong ka gas, ha kine ki sngi, namar jong ka thma ha Ukraine. Katei ka Ri, ka pynkhreh ruh, da ka kuna, ia kito kiba pynkhein ain.

U nongkren jong ka tnat Federal Ministry of Finance, u iathuh ba ka kuna, kan sdang naduh ka 30 Swiss francs (£26) bad kaba bun eh, kan dei 3,000 Swiss francs (£2,667) bad kito kiba thang tam, na ka bhah jongki, kin shah pynshitom.

La bthah ruh, ba ka jingshit, na kaba thang ia ka lyer shet, kam dei ban palat ia ka 19C (66.2F), katba ka jingshit jong ka um, kam dei ban palat ia ka 60C (140F). La bthah ruh ba kiwei ki jaka pynsyaid ding, ym dei satia ban pynmeh pathar bad ba ki jaka sum ruh, ym dei ban pynkhluit satia.