Da ka ain ba tyngeh, yn ngat kiba tih khyndew beain harud surok bah

U District Magistrate, Ri Bhoi District, Nongpoh, kumba la pynkup bor jong ka kyndon ain 163 jong ka ain Bharatiya Nagarik Suraksha Sanhita, 2023 u pynmih ia ka hukum ban khang ia kino kino ki riew shimet, ki iing, ki karkhana, hotel, jaka theh umphniang ne kino kino ki kynhun ba kin leh ia ki kam tih khyndew ha ki bynta ba don ia ka jingjngai kaba 1 Km na ka surok bah National Highway, kata naduh na Khanapara ter ter shaduh Byrnihat.
La pynmih ia katei ka hukum ban khang pyrshah ia ki kam tih khyndew ha shilynter ka surok bah National Highway bad ki surok PWD ha Ri Bhoi, ka dei na bynta ban iada ia ki kam ban pynsniew ia ka mariang bad ki jingjia twa khyndew.

Namarkata, lyngba katei ka jingpynbna, la maham pyrshah ia kino kino ki briew kiba leh pyrshah bad lada lah ba ki pynkhein ain, kin sa shah pynngat ha ki kyndon aiñ katkum ka Section 223 jong ka Bharatiya Nyaya Sanhita 2023.