Da ka 144 CrPC, la pynjari ba tih dewïong beaiñ ha EJHD

Shillong:U Deputy Commissioner ka East Jaintia Hills ha ka sngi nyngkong, ula pynmih ïa ka hukum ba pynjari ïa ka kyndon 144 CrPC ba khang pyrshah ïa ka jingtih dewïong be-aiñ, ka jingkhaïi beaiñ bad jingtheh dewïong hapoh ka District.

“Ka jingtih dewïong thliew khnai kaba ktah jur ïa ki paidbah bad ïa ka mariang ka dei kaba la khang pyrshah da ka National Green Tribunal (NGT) ha u Ïaïong 2014, kila don shibun ki jingtwa par ha ka District ha ka jingpyrshang ban tih beaiñ ïa u dewïong ha ka District wat hapdeng ka jingkhang,” ong ka hukum.

Haba pyntreikam ïa ka hukum jong ka NGT, u District Magistrate ka East Jaiñtia Hills ula khang ïa ka jingtih dewïong thliew khnai ha baroh ki jaka ba hab hapoh ka East Jaiñtia Hills District bad ban khaïi ïa u dewïong khlem ka challan ne ki kot ki sla lane ka jingbit/licence ba la ai da ki bor khmih kynthup na ka bor pynïaid District.

U Deputy Commissioner ula ong ba ka jingpynkheiñ ïa ka hukum kan khring ïa ka jingshah pynsajia katkum ka kyndon 188 IPC nalor kiwei pat ki aiñ.
Kane ka hukum kan treikam mardor tad haduh da pynmih da kawei pat ka hukum.