Shillong 21 Rymphang: U MDC ka Mawkhar Pynthorumkhar constituency , u ba long ruh u kyrtong ka Congress na Mawkhar Pynthorumkhar constituency, u bah Pynshngain N Syiem u la ong ba ka Congress kan ym treh shuh ban iatreilang bad ka National People Party (NPP) hapoh ka Khasi Hill Autonomous District Council (KHADC), ia kane u bah Syiem u la kren ha ka sngi ba thep vote.
Haba kren sha ki ladpathai khubor u bah Pynshngain N Syiem u la ong , ba ka jingkyrmen ka Congress ha kane ka MDC election ka long ban jop bun ki MDC khnang ban ioh ban thaw ia ka Executive Committee (EC) hapoh ka KHADC . ” Hynrei lada ka Congress kam lah ban jop bun ki MDC ka kloi ban ia treilang bad baroh ki party lait noh tang ka NPP” u la ong .
“Kumba la pynpaw da ki ba bun balang khamtam ki nongkitkam bad ki nongialam ka Congress , ka long ba ki MDC ka Congress Kim dei ban iatreilang shuh bad ka NPP hapoh KHADC ” u la bynrap .
U bah Pynshngain N Syiem u la ong ba “ka rai ban ym treh ban ia treilang bad ka NPP , namar kane ka dei ka jingkwah ki nongkitkam bad ki nongialam ka party bad ngim da don shuh ka mon ban ia treilang bad ka NPP”.
Halor ka jingshah rem ha ka MLA election u la ong “nga la pynkhreh dier por na ka bynta ka MLA election kumta nga khlem poi sha ka bor hynrei ha kane ka MDC election pat nga la ioh lad ban shakri 5 snem tam bad ki paidbah kumta kan ym wanrah jingeh ia nga ha kane ka election”.
“Kiwei ki kyrtong Kim da Don jingma eiei ia nga ha kane ka election hynrei ngam nang ban ong halor ka silent vote iano kin kyrshan” u la bynrap.
U bah Pynshngain N Syiem u la ong shuh shuh ba Ka District Council ka dang donkam ban pynkhlain shuh shuh khang ban iada na ka jingpyntrei kam jubor ia ki ain ka Sorkar pdeng ha ki jaka ba trei kam ka 6 th schedule, ki don na ki briew kiba iakren bha ia ka Article 371 hynrei ngam sngew ia hap ia ka jingpynkhlain ia kane ka article hynrei dei ban dang pynkhlain shuhshuh ia k 6 th schedule.
Phi don ban ong eiei?