Da jingpynsngew paidbah, yn pynlong ban buh jaka theh ñiut thymmai ha Sor

Shillong: U Symbud Myntri Rangbah ba khmih ïa ka Tnat Urban Affairs Bah Sniawbhalang Dhar ha ka sngi Thohdieng ula pyntip ba ka Sorkar Jylla kan sa pynlong shen ïa ka Public Hearing ban buh ïa ka jaka theh ñiut ba thymmai ïa ka nongbah Shillong.

“Ngin dang ban pyndep ïa kane ka kam. Ka Public hearing ka dang sah ban dang pynlong,” ong u Bah Sniawbha.
Dangshen, ka Sorkar ka la rai ban buh ïa ka jaka theh ñuit ba thymmai ha Nonghali kaba hab hapoh ka Mawryngkneng Constituency.

Haba kylli, u Symbud Myntri Rangbah ula pyntip ba ka Sorkar ka la pyllait ïa ka Expression of Interest (EoI) ba thymmai na ka bynta ka jaka theh ñuit ka sor Jowai. Ula pyntip ba ka Sorkar ka la dep ban thied ïa ka jaka ban buh ïa ka jaka theh ñuit ka Tura.