Shillong:Ki samla thepkam pulit mynhynnin ka sngi, ka 30 tarik Naiwieng 2022, ki la mih surok biang ban pynsngew ia ka sorkar halor bym pat pynmih ia ka result thep kam pulit jong ka MLP naduh u snem 2019 ba ki la thep ia kane ka kam.
U bah Divenson Diengdoh, u la ong ba kane ka jingiakhih jong ki, ki la thmu ban pynlong ka jingiaid paitbah, hynrei na ka liang ka District Administration ka East Khasi Hills District kam shem la shah iaki samla ban iaid rally.
Hynrei ki don katto kattne ngut ki samla ki ba la pynlong ka jingshong kyllaiñ myngngor ha khmat ka Mbose ban bud ia ki kyndon aiñ.
Ha ka jingiakren bad ki lad pathai khubor u bah Divenson, ula ong ba ha kine ki bnai ban wan ka Elekshon Commission kan sa pyntreikam noh da ka Model Code of Conduct, kumta ki samla thep kam ki la sngew duh jingkyrmen.
U bah Divenson Diengdoh u la ong “Da ngi ioh ka kam pulit lada ka sorkar kan buh bad phah sha ki khappud Assam bad sha kino kino ki jaka ban ia leh thma ruh ngi kloi ban leh namar ba lah don ha ka kam”.
U la pynpaw ruh ba kin ap haduh u bnai Nohprah (December) ba lada ka sorkar kam pat pynmih, kin sa leit pan jingbit biang na ka DC, ban mih paitbah bad ban pynlong ia ka jing ia khih la bynrap u bah Divenson.
Shu kop tang shu ioh LA heh sa ka snier ban beh tang iu nongtuh ruh hap shongthait bunsien