Da hynriew wicket, shah pynliem ka Meghalaya, ha ka Manipur

Shillong:Ka Meghalaya, ka la shah pynrem da hynriew wicket ha ka jing iakhun pyrshah ia ka Manipur, ha ka jing ialehkai sdang mynta ka sngi jong ka Syed Mushtaq Ali Trophy T20 tournament ha Chennai mynta ka sngi.

Katei ka kynhun ialehkai, ka la poi ha u snem thymmai ha Tamil Nadu, ha kaba ki la shong kyrpang bad pyntbit ialade ha shwa ban sdang ka jing ialehkai.

Ka jing ialehkai, la pynlong tang 13 over mar shiliang bad ka Manipur, ka la jop ha ka kynting pisa bad ka la jied ban tied nyngkong bad ka Meghalaya, ka la ioh ban kawang tang 62, na ka jing ialehkai kaba 13 over.

U Ravi Teja, ula ioh 35 run, na ka 31 bol bad ki nong ialehkai, ba kynthup ia U Punit Bisht lane U Sanjay Yadav, kim shym la ioh kamai bha satia. Ha ka kylla kaba ar, U Akash Kumar Choudhary, ula ioh wicket ha ka sien kawang kaba nyngkong, nangta U Dip pu Sangma, ula pyniap ia uwei pat u nong ialehkai ka Manipur bad ha ka jing ialehkai, ka Manipur, ka ioh 15/4, hynrei lyngba U Narsingh Yadav (33 not out) bad U Nitesh Sedai (24 not out) ki la ioh 66/4 ha ka 12.1 overs.

U Dippu bad U Choudhary, ki duh noh, hadien ba ki la ioh 1/13, bad U Teja, u dei u nong ioh kamai, uba bun eh, na ka liang kaba rem.Ka Meghalaya kan iakhun pyrshah ia ka Mizoram, ha ka sngi balang