Da 2 wiket pynliem ka Ri Bhoi CA ia ka WKH CA ha Inter District U-19 Women Cricket Tournament

Nongpoh: Ki Thei ialehkai Kriket ka Ri Bhoi Cricket Association, ki la ioh ban khur ia ka namjop ha ka Inter-District under-19 Cricket Tournament 2022, ka lympung ialehkai Kriket ki samla kynthei, ia kaba la pynlong da ka Meghalaya Cricket Association ha ryngkat ka jingiatreilang bad ka Ri Bhoi Cricket Association, kaba ki la pynlong ha madan ialehkai Kriket ka RBDCA kaba don ha Nongkhrah, Nongpoh.

Katei ka namjop kaba la khur da ki Thei ialehkai ka Ri Bhoi District, ka la wan hadien ba ki la lah ban pynliem noh pyrshah ia ki Thei ialehkai ka West Khasi Hills Cricket Association da 2 Wicket.

Ka khana halor katei ka jingiakhun, ka la long b aka West Khasi Hills CA, ki la jop ia ka Toss bad kiba la kam trai ban tied nyngkong, ha kaba ki la lah ban kamai 100 run da kaba hap lut baroh ki Wicket ha ka 19.5 Over. Haba beh ia katei ka thong kaba la buh da ki Thei ialehkai ka WKH CA, ki thei ialehkai ka Ri Bhoi CA, ki la lap ia katei ka thong tang hapoh ka 19.1 Over, da kaba hap tang 8 Wicket bad kaba ia ka Ri Bhoi CA ba kin pynliem noh ia ka WKH CA da 2 Wicket.