Nongstoiñ: Ka kynhun ialehkai jong ka Mylliem SC kaba la shim ruh ia ka jaka jong ka Galaxy XI kala lah ban pynliem noh ia ka kynhun ialehkai jong ka Solid Target FC da 1 kol la 0 ha ka jingiakhun ia ka lympung Rani Motor’s Knock out Football Tournament 2018 (RMKOFT) bala pyniaid da ka Laitkseh Sport Club (LSC).
Haba phai sha katei ka jingiakhun jong kitei ki kynhun kaba la long ha ka sngi Saitjain jong ka taiew bala lah ha ka madan Mawkynjoin Laitkseh, kala long ka jingiakhun kaba ia khaid bad ia biang bor hynrei ha shwa ba ka jingiakhun jong ka kylla step kan kut noh ka Mylliem SC kala ioh ban pynkhih ia ka jar lyngba u Kerimore Marbaniang ha ka minit kaba 45+5.
Shuh shuh ha ka jingiakhun jong ka kylla miet na ka liang jong ka Solid Target kala iakhun tyngeh ban ioh pynphai ia katei ka 1 kol hynrei kam shymla lah ban ioh pynkhih jar watla kala ioh ia ki katto katne tylli ki kabu kumjuh na ka liang jong ka Mylliem ruh kala ioh biang ia shibun tylli ki kabu ban thep kol shuh shuh pynban kitei ki kabu jong ka Mylliem kila shu sepei kai namar ka jingbym lah ban khalah tyngeh ianka bol shapoh ka kol.
Katei ka 1 kol jong ka Mylliem kala biang pura ba ka kynhun kan ioh ban khur ia ka jingjop namar ka jingbym lah shuh ban pynphai ne pyniakhaid ia katei ka kol da ka Solid Target tad haduh ban da kut noh katei ka jingialehkai.
Ha katei ka sngi ia ka nam rangialehkai ba kynsai tam la ioh ban khur da u Khraw Sohlang jong ka Mylliem SC u bala lah ban ialehkai bha Da kaba u la sei bad pyni ruh ia ki sap ki taken kiba u don bad ia katei ka khusnam la ioh ban sam da u Secretary ka shnong Laitkseh.
Na ka liang jong ka Tournament Committee jong katei ka lympung kala pynbna ruh ba na ki daw bym lah ban kiar kin hap ban pynkynraih noh ia ka jingiakhun ka ban long ha ka 11 tarik mynta u bnai hapdeng ka Mawlot FC pyrshah ia ka Nongkrem SC bad ka jingiakhun Kan bteng biang ha ka 15 tarik mynta u bnai kata ka Ryntih SC kan ia kynduh pyrshah ia ka Rising FC.