U Narendra Modi, myntri rangbahduh ka Ri, ula ia kynduh mynta ka sngi bad ki tnat jong ka koit ka khiah ka sorkar India, ban iakren halor ki lad jingiada na bynta ka jingpang Corona.
U Modi, u ong ba ka ri, ka dei ban husiar bha na kane ka jingpang bad ym dei ban tieng satia. “Haba ki pynbeit ia ki jingtap khmat, ki ju ktah ia la ki jong ki dur khmat bad katei ka ailad ban pyn saphriang ia ka jingpang” ong U Modi.
Halor ka rukom bam, U Modi, ula ong ba ki dei tang ki doktor, kiba lah ban ai jingmut ia kino ki jingbam, kiba dei ban bam bad kino ki bym dei ban bam.
U Modi, u ai jingmut ruh ia ki paidbah, ba ki dei ban pyndonkam noh da ka namaste, haba ia khublei bad ki paralok, ha ka jaka jong ka jing ia khublei kti.
Phi don ban ong eiei?