Ka jingiap briew ha Italy, haduh mynta, ka la poi sha ka 13,915. Ka Spain, ka la duh ia 10,003 ngut na ka jingpang coronavirus, katba ka France, ka la duh 4,032 bad ka China, 3,199 ngut.
Kiba iap ha kylleng pyrthei, ki la poi mynta sha ka 50,200 haduh ka sngi palei bad katei ka jingpang, ka nang jur mynta ha ki bynta jong ka United States bad ka Europe.
La iathuh shuh shuh ba kiba ioh ia katei ka jingpang ha kylleng ka pyrthei, ki la poi mynta sha ka 9,81,221, ha kaba kiba bun ki dei na US bad Europe. Ka US, ka don mynta 2,26,374 kiba ioh ia katei ka jingpang, nangta ka Italy 1,15,242, ka Spain 1,10,238, ka China 82,432 bad ka Germany 81,728.
Ka jingiap ha Spain, ha ki 24 kynta ba ladep, ka la poi sha ka 950 ngut bad baroh kiba iap, ki la poi sha ka 10 hajar ngut.
Phi don ban ong eiei?