Shillong: Namar ka jingdon jong kiba ioh pang khlam covid 19 lane kiba don jing iadei kaba jan bad kiba ioh ia katei ka jingpang ha Lawsohtun, kumta ka District Magistrate, East Khasi Hills District, hynnin ka sngi, ka la khang dam ia ka iing jong ka kong Berina Shabong (Lumpdeng) Lawsohtun Block II. Katei ka kyndon, ka khang ia ka leit ka wan bad ka jing ia rung ia mih ha katei ka iing. Kito kiba shong ha katei ka iing ruh, kim bit satia ban mih shabar ban iakhleh bad kiwei pat ki para marjan jongki.
La pyntip shuh shuh, ba na ka jingdon kiba ioh pang covid lane kiba iajan bad kiba pang covid, kumta ka District Magistrate, East Khasi Hills, ka la khang dam ia ka Rana Compound bad ka Md Salim Compound, ha Lower Mawprem, naduh ka 21tarik Nailar 2020.
Nangta la pynbna shuh shuh, ba la khang dam ia ka iing jong ka kong B Dkhar, ha Amjad Ali Road, Laban, naduh ka 21tarik Nailar 2020.
Phi don ban ong eiei?