Hynriew ngut ki briew, ki la iap haduh mynta na ka jingpang corona ha Iran, hadien ba katei ka jingpang kynsha, ka la nang pur sha kiwei pat ki Ri, nalor ka China.
Haduh mynta, ki don shiphew ngut kiba la thikna, kiba dang shu ioh thymmai ia katei ka jingpang bad baroh kiba ioh ia katei ka jingpang corona ha Iran, ki la poi sha ka 28ngut.
Na kitei ki 10ngut kiba dang shu ioh thymmai ia katei ka jingpang, la iathuh ba 2ngut ki don ha ka nongbah Teheran bad 8ngut ha ka nongbah Qom.
Ha China, kiba iap mynta ki long 2,345 ngut ad 76,288 kiba ioh pang, ha Hongkong, ki don 69ngut kiba ioh pang bad 2ngut kiba la iap bad katei ka jingpang, ka la nang saphred sha kiwei pat ki ruh, wat la haduh mynta, ka dei tang ka Iran, kaba don bun ngut kiba la iap, lait na ka China.
Phi don ban ong eiei?