Corona: 20 ngut ki high risk contact na East Khasi Hills, 59 ngut ngat ki nongtrei ka Star Cement ha Lumshnong

Shillong: U Dr. Aman War, DHS(MI) u la iathuh ba na ki 121 ngut kiba ioh ia u khñiang jingpang COVID-19 ha ka jylla; ha East Khasi Hills ki don 30 ngut bad na kine, 20 ngut ki dei ki high risk contact, 3 ngut kiba leh ia ka random sampling ha Keating Road, 2 ngut ki dei na ka armed forces, 4 ngut ki dei ki ILI cases bad iwei i dei ba leh ia ka random sampling ha Police Bazar.

Ha Ri Bhoi ki don 2 ngut ha kaba iwei idei i high risk bad iwei i dei na ka armed forces, ha South Garo Hills ki don 4 ngut bad baroh ki dei kiba leh ia ka random sampling ha Baghmara Market.

Ha West Garo Hills ki don 25 ngut ha kaba 11 ngut kidei na ka Armed forces, iwei I dei ba wanphai na shabar, 2 ngut kidei ba leh ia ka random test ha Rongram Bazar, 3 ngut kidei ki high risk contact, iwei i dei ba leh ia ka random test ha AOC Bazar, 6 ngut kidei ba leh ia ka random sampling ha Babupara, iwei idei ba leh ia ka random sampling ha Phulbari.

Ha West Khasi Hills i don tang iwei iba dei i high risk contact; ha East Jaintia Hills ki don 59 ngut bad baroh ki dei kiba kiba leh ia ka random Sampling ha Lumshnong Star Cement Factory.