Shillong,18 Nailur:
Ka HSPDP ka la khot la wer ia ki paidbah jong ka thain Sohra bad ki paidbah na ki dong bad ki shnong bapher bapher jong ka thain Mawjrong ba kin wan ban ia snohkti lang ha ki ar tylli ki pro kram ba ka seng kan pynlong kata ha ka 21 tarik bad ka 23 tarik mynta u bnai ha Sohra bad Mawjrong. Ka kyrwoh na u Batista Khongphai Organiser katei ka seng na ki thain Sohra ka la pyntipba ha kitei ki ar sngi u Bah Ardent Basaiawmoit un hiar sha kitei ki ar tylli ki jaka ban ialap shaphang ka synshar khaddar kaba khuid ne ka Clean politik.
Ha ka 21 tarik yn pynlong ia katei ka ialap clean politik ha Sohra kaba dei ruh ka sngi iewbah Sohra ha ka por 11 baje mynstep bad ha ka 23 tarik pat yn pynlong ha Mawjrong ha ka por 2:30 baje nohphai sngi.’Kane ka jingialap Clean Politik ka dei ban pynshai paidbah ia ka synshar khadar kaba khuid bad kaba lait na ka bamsap bam pong bad ngi khmih lynti ba kane ka jingialap kan long kaba jop’ ong ka kyrwoh na u Batista Khongphai.
Phi don ban ong eiei?