Christian Secondary School Thad

By Jonis Kharthangmaw (Thad, village Ri-bhoi District)

1. Christian Secondary School Thad,
   Ia nam jongpha mynta ngi bat;
   Wat la ha nong kyndong pha ieng,
   kyrteng jong pha ki bna kylleng.
2. Naduh b,la seng haduh mynta,
   kyrteng jong pha ki ithuh bha;
   Pha la nangroi pha la nangsan,
   Pha la kynjoh sha ar phewsan.
3. Shihajar khyndaispah khyndaiphewsan,
   La seng nyngkong ban nangroi nangsan;
   La niew ter ter haduh arhajar arphew,
   La nangroi nagkiew ngim lah shuh ban thew.
4. Tang haduh klass hynniew nyngkong la seng,
   Kat dang iaid ki snem la kwah kham shaneng;
   Kumta naduh arhajar shiphew ter ter la iaid,
   Arhajar khatlai matrict nangne la lait.
5. Mynta ngi iohi ia jingkiew jong pha,
   La bun ki khynnah kiba pass bha;
   Bun ruh kiba ioh kyrdan nyngkong,
   Katno sngewkmen bad sngew sarong.
6. Haba kyrtiang dien ia ki sngi b’la leit noh,
   Sa shisien pat ia ka ngi kwah ban ioh;
   Hynrei tang ha ki jingkynmaw ki iai sah,
   Por jinglong khynnah ban ioh shuh ngim lah.
7. Tang jingkhublei ia phi ki nonghikai,
   Kiba ha shwa bad kiba thymmai;
   Phi long shisha kum imei ipa,
   Ba ju sneng ju kraw ba lawei kan bha.
8. Bunsien phi shah kynnoh phi shah kren,
   Ia kata ngi iohi ngim lah ruh ban len;
   Ki kmie ki kpa ha jingsngewthuh bakla,
   Ia phi pyrshah ki ieng ki tim ki tla.
9. Hynrei da mynsiem ba shynrang phi iaishah,
   Ban trei ia ka kam da lei lei phim kyrngah;
   Phi tip jingiaishah ka long atiar bakhraw,
   Ba pateng bynriew hadien ia phi kin kynmaw.
10. Sngewnguh sngewburom kyrpang ngi pynpaw,
    Jingbha jong phi ngim lah khlem kynmaw;
    Phi trei shitom miet la bad sngi,
    Tang ba ngin bit ngin biang ma ngi.
11. Ei ei ngim don ban siew kylliang,
    Tang jingburom kata ka la biang;
    Jingstad phi la ai ki long Mawlynnai,
    Ha jingim jong ngi kin iai phyrnai.
12. Ha ki jingduwai ngin iai kynmaw,
    Ba jingieit jong phi kan nang iai paw;
    Ba phin nangshait ba phin nagkhlain,
    Ba ki pateng hadien kin iai tynshain.