Byrthen U MR ka Mizoram, ba um tieng satia ia ka BJP

Aizawl:U Myntri Rang bah jong ka jylla Mizo ram, u Zoramtha nga u ba dei u president jong ka Mizo National Front (MNF) u ba la iatreilang bad ka parti BJP, u la pynpaw ba ka parti MNF kam tieng satia ia ka parti BJP bad ki parti ba don ha ka kynhun synrop NDA.

U la ong ruh ruh ba bun ba ki polisi, ba la wanrah da ka sorkar ha ka jingialam jong ka parti BJP, kim hun satia bad ki bym lah satia ban pdiang.
Kane ka khubor u myntri rangbah ka jylla Mizoram, u la kren ha ka jingialang jong ki nongtrei ka parti ha nongbah Aizawl jong ka jylla Mizoram.

“Ka MNF ka don lang ha ka kynhun synrop NDA, hynrei nga kren shai ba ngim tieng ia ka NDA bad ngim pdiang hi ruh ia baroh ki polisi treikam ki jong ka. Ka jingiatreilang bad ka BJP ka dei ban wan rah ia ka roi ka par ha jylla Mizoram, hynrei ngim dei pat ki ban shu kohnguh ia ka parti BJP. Ka MNF ka pyrshah ruh ia ki polisi jong ka parti BJP kiba ktah ia ki paidbah nong shong shnong jong ka jylla” ong U Zoramthanga.

Wat la ka MNF ka dei ka paralok ba iajan bha bad ka BJP ha ka NDA, hynrei ka pyrshah jur pat ia ka jingpyntreikam ia ka aiñ Uniform Civil Code.