Mangaluru: U Dharmendra, u nong ialam, ka Akhila Bharatha Hindu Mahasabha, ula byrthen tyngeh ia ka seng BJP, ba un ai da ka jingsneng ba tyngeh, halor ka jing pynjot ia ki temple ha katei ka jylla bad u ong “Wat ia U Gandhi ruh, kim shym la map satia”.
Ha ka jing iakren ia ki nongthoh khubor, ha ka sngi saitjain, hadien ka jingshah pynjulor ka temple ha Nanjangud taluk, U Dharmendra, u ong “Ngi pyniap ia U Gandhi, namar ba ki hindu ki shah pyniap. Phi tharai, ba ngin salia iaphi?” bad ula ong shuh shuh “Ka seng Taliban, ka kham bha shibun, ban ia ka seng khlem budlum ka BJP”. Hynrei kham hadien, ula pan map halor katei ka khubor jongu, da kaba u ong “Ngam shym la kren wohnia satia ia u myntri rangbah bad lada don kiba sngewsih, nga pan map” ula ong shuh shuh.
U Dharmendra, u ong ruh ba kane ka sorkar BJP, ka kwah ban leh ieid ia ki Muslim, da kaba ailad ban pynpra ia ka temple. “Ka jingtip na ki paidbah, kan ialam ia ka seng BJP, ba kan sa tlot bor noh syndon. Kane ka sorkar BJP, ka dei kaba ar sap bad kam lah ban wan rah ia ka ain, kaba khanglad ban kylla niam” ula ong shuh shuh.
“Ka BJP, ka wan ha ka bor, ha ka kyrteng jong ka hindutva, ka la dung nadien ia ki Hindu. Ka jing iakhih jong ka Sangh Parivar, ka long ka bym don nongrim satia bad ki dei ban kyrshan noh ia ka Hindu Mahasabha, ha ka elekshon, ka ban wan bad pynrem ia ka BJP” ula ong shuh shuh.
Phi don ban ong eiei?