U Donald Trump mynta ka sngi, ula thoh ha ka twitter jongu, ha kaba ula maham tyngeh ia ka jingther nam ding jong ka America sha Syria, ha kaba u ong ba ka long kaba la thikna bha. Katei ka jingbyrthen jong U Trump, ka long hadien ba ka Kremlin, ka la kren shai ba kan siat pynhap ia kitei ki namding jong ka America.
Ka jhad kit namding jong ka America, ka
The USS Donald Cook, kaba don ha syndah jong ka Syria.
Ha ka tweet jongu, U Trump, u ong ba ka Russia, ka byrngem ban siat pynhap ia ki namding, ki ban siat sha Syria. Ha kajuh ka por, u ong shuh “Pynkhreh Russia, namar ba kin sa wan, sngew tynnad bad sngew thymmai bad leh smat. Phim dei ban don bynta bad u mrad khlaw, uba pyniap ia ki briew lajong bad uba sngew tynnad ia kata”.
U Trump, u thoh shoh ha ka twitter jongu, ha kaba ula ong “Ka jing iadei jongngi bad ka Moscow kam ju long kaba sniew kham mynshwa, hynrei mynta ka la sniew shaba palat”. Ka tweet ka ong shuh shuh “Ka Russia, ka donkam iangi, na bynta ka ioh ka kot jongki bad kumta ngi donkam ia baroh ki ri, ba kin ia treilang”.
U Alexander Zasypkin, uba dei u nongmihkhmat ka Russia ha Lebanon, u ong ba ki nam ding jong ka America, yn siat pynhap da ka Russia bad kumjuh ia ki jaka, ba ki wan kitei ki namding bad ka Russia, ka ong shuh shuh ba kitei ki namding, ki dei ban ther ia ki lehnoh, ym dei ia ki sorkar kiba shongnia.