Byrthen shong ‘dharna’ ka RBYDSO, ban ioh Umsning constituency

Shillong, 13 Jylliew:
Ka Ri-Bhoi Youth Development & Social Organisation (RBYDSO) ka la byrthen ban pynlong da ka jingiakhih wat ban shong dharna lada ka Khasi Hills Autonomous District Council (KHADC) kam thaw noh ia ka Umsning constituency ha kane ka kynti.
Hynne ka sngi ka seng ka la leit buh dorkhas ha u Chief Excecutive Member (CEM) ka KHADC Bah Pyn shngain lang N Syiem, ban pynkyn maw biang ia kane ka jingdawa kaba la dep aiti kham mynshwa.
Hadien ba la aiti ia ka dorkhas ha u CEM hynne ka sngi, u President ka RBYDSO, u Bah Dibi shon Malai, u la ong ba lada ka District Council kam thaw ia ka Umsning Constituency, ka seng ka lah ban pynlong wat da ki jingiakhih na ka bynta ka jingmyntoi jong ki paidbah. “Ngin sa peit haduh ka 18 tarik Jylliew kumba la ong da u CEM”, la ong u Bah Dibishon bad bynrap ba lada u CEM um leh kumba la ong, ka seng kan sa wan shong dharna syndon ha phyllaw ka KHADC.
U la ong ba kumba long mynta ka Ri-Bhoi ka don san tylli ki MLA constitituency katba ha ka MDC ka don tang saw tylli bad ka la dei ia ka District Council ba bud kumba la leh ha ka MLA constituency.
Ha kawei pat ka liang ka seng ka la ong ba ka seng ka kwah ba baroh ki Polling station bad ki shnong kiba hap hapoh jong ki, kin hap beit thik kumba la phiah ia ka Umsning Konstitwensi ha ka MLA elekshon ba la dep.
Ka seng ka kyntu ia ka KHADC ba kan shim da ki lad ki lynti ban pynurlong ia kane ka jingdawa jong ka seng na ka bynta ka jingbit jingbiang jong ki paidbah ha katei ka District.