Byrthen ka HANM ban tur sha  Secretariat, na ka Mookhep

Shillong, 3 Naiwieng:
Ka Hynñiewtrep Awakening National Movement (HANM) ka la byrthen ban leit tur bad ki lama iong sha Secre tariat,  namar ka jingslem ka sorkar ban sei madan ia ka kaiphod jingtohkit kiba shah siat iap ha Mookhep ha kaba ar ngut ki briew ki la khlad ha ka 24 tarik Nailur 2014 ha ka jingiakhih khang dewiong ka NGT.
“Ka jingpynslem ka sorkar ban sei madan ia ka kaiphod jong ka jingshah siat iap ha Mookhep ha East Jaintia Hills District  namar ka kwah ban buhrieh ia ki briew ba donkti”, la ong u Bah Shaniahlang Suchen u President HANM hynne ka sngi Hatmajai.U la ong ba ka jingsiat pathar ki pulit ha katei ka sngi ka la wanrah ia ka jingduh ei jong ar ngut ki mynsiem briew bad ka sorkar haduh kine ki sngi kam pat shym la sei madan bad ka kwah ban buhrieh ia ka jingshisha.U la ong ba ka sorkar ka dei tang ka nongpeitkai namar ba kam lah ban wad ia ki briew kiba donkti ban siat iap ia ki riew paidbah.  ”Kasorkar ka kwah tang ban shu kylli shi kylli namar ba ki kwah ban buhrieh ia ka jingshisha na ki paidbah namar lada ka sorkar ka kwah bad shim khia shisha, la dei ban pyndep ia ka jingtohkit naduh mynne”, u la ong.Katkum ka jingong u Bah Suchen, ka sorkar ka sted bha ban pdiang ia ka ain khang bam armaloi ka Prevention of Disqualification (Members of the Legislative Assembly of Meghalaya) Amendment Bill, 2015 hynrei ia ka jingjia ha Mookhep pat la palat snem khlem leh eiei.“Ngin nym shong kli kti hynrei ngin iai bteng ban ieng skhem haduh ba kiba haiing hasem jong ki ar ngut ki briew ba shah siat iap kin ioh ia ka jingbishar hok”,u la ong.