U Rodrigo Duterte, President ka Philippine, ula pynkhreh ban leit bret lut ia ki niut jong ka Ri Canada sha katei ka Ri bad kiba la bret mynta ha u pud u sam jong katei ka Ri, ha kaba la bret ha ki khyndiat snem mynshwa da ka Canada.
U nongkren, na bynta U President, U Salvador Panelo, u iathuh ha ki kotkhubor, ba U Duterto, ula bthah ia ki heh sorkar, ba kin wad ia ki jhad ki ban leit bret biang ia kitei ki jaboh jong ka Ri Canada sha katei ka Ri.
Kham mynshwa ka sorkar Philippines, ka la khot noh ia u nongmihkhmat jongka ha Canada, namar ba katei ka Ri, kam shym la leh ia kaba donkam, ha shwa ka 15tarik Jymmang 2019.
La iathuh ba ki don haduh 103 tylli ki song kiba kynthup ia ki plastik, ki pla, ki kotkhubor bad baroh jait ki jaboh jabain ba la leit kit na Canada sha Phillipines ha ki snem 2013-14.
Phi don ban ong eiei?