Byrngem pynthut elekshon MDC ka HANM, lada ym pynlait ia u nongialam

Shillong, 11 Rymphang:
Ka Hynniewtrep National Awakening Movement (HANM) ka la ai por shi taiew ia ka sorkar ban weng ia ka jingpynjari da ka ain MPDA ia u president ka HANM West Khasi Hills unit u Bah Arphul Kharbani.
“Ngin pynlong ia ka jingiakhih kiba lah ban pynthut ia ka elekshon district council lada ka sorkar kam lah ban weng noh ia ka jingpynngat da ka ain MPDA ia u Bah Kharbani hapoh shi taiew”, la ong u working President ka HANM u Bah Nelson Kharbani.
U Bah Kharbani u la ong ba u Deputy Commissioner ka West Khasi Hills u Bah S Kharlyngdoh u la pynthikna ba ka MPDA la pynngat ia u Bah Kharbani yn sa pynlait noh shen.
“Ngi ioh ia ka jingpynthikna na ka sorkar lyngba u Chief Adviser u Bah DD Lapang ba kan pynlait noh ia u Bah Kharbani mardor,” u la ong.
U Bah Kharbani u la shah kem ha ka 26 tarik Nailur, halor ka jingkynnoh ba u donkti ban thang ia ka ophis u Executive Engineer ka PWD bad ka ophis jong ka District and Commerce Industries Centre, Nongstoin ha ka 23 tarik Nailur. U la shah pynngat ha ka ain MPDA ha ki pulit.