Shillong: Ha ka 15 Tarik Rymphang 2022 ki la mih ki longkmie ka Shnong Pyndengumiong ban dawa naka tnat PHE ban pynmih um tista. Kane kam dei shuh ka sien ba nyngkong ba ki longkmie ka shnong kin mih kumne halor kane ka issue. Ka jingmih biang kumne namar ka jingiai ban ki jingeh halor ka jingbym mih um na ka tnat treikam ka PHE.
Haba kren ha kane ka jingialang ki longknie da kawei ka jingmut ki mat jingdawa ki long ba ka um kor ka dei ban mih 7 baje mynstep man ka sngi khlem da pud, kaba ar ka long ba lada don ka jingthud naka liang ki kor ki bor ka tnat PHE, ka tnat treikam ka dei ban don da kiwei patde ki lad bad lynti (special arrangement) ban pynpoi um ha ki iing khlem da pud bad la kumno kumno ki long iing ki dei ban ioh um 500 litre shi shing man ka sngi.
U Shanlang Warjri uwei na ki riew rangbah uba ia don lang ha kane ka jingialang, u la ong ba ki nongshong shnong ha Pyndengumiong haba kynthup lang ka jingpynlut ban thied um ka long 12lak shi taiew, yn myntoi aiu kata jingdon ka PHE khlem lah ban pynbiang um ia ki paitbah, shuh shuh u la ong ba lada long sah kumne khlem pep kiba duk kin shuh bam im ia u khlem namar bym doń um.
Kitei ki longkmie, kiba don kumba 250ngut eiei, kiba ia iaid paidbah, ki dawa, da kaba ong “Pynmih um man ka sngi lym kumta ngin khang tala ia ka PHE”.
Shano ko sordar, ko MLA phi ia jah? Ym tip seh ba kyrduh um katta katta ha shnong? Phi ia Sngew tynnad tharai ban dawa sa da ki paidbah ha madan ia ki jingeh jingjynjar haduh katne? To ko ki paidbah nong Pyndengumiong jied Sordar, MLA shwa noh da kiwei ki ban tip ia ka jingeh ha shnong ha thaw, lah lehrain ngi kiba iohi ia kane ka khubor.