Shillong: Hadien ba la ioh jing ujor na ki paidbah ka thain halor ka jing dkoh treikam ka CHC Namdong bad ha ka 6tarik iaiong 2023, ka Khasi Student Union Namdong Area Unit, ha ka jingialam u Adhoc President samla Kitboklang Lamare bad u General Secretary samla Juhhi Tariang bad katto katne ngut ki dkhot, ki la leit kynduh bad buh jingthoh halor ba katei ka CHC, kan ym lah shuh ban pdiang ia ki nong pang ban shah sumar namar ba ym don um ka CHC Namdong la shibnai shiteng mynta.
Halor kane ka seng ka la pynpaw ba kam sngew lah ban pdiang ba kat ka CHC, kam don ia u motor tan um uba biang ka la leit ban ia kynduh bad u DM&HO u Dr. KC Ajar.
Haba iakren bad u DM&HO u la kular ban shimkhia ban pynbiang hapoh shitaiew bad na ka liang ka seng, ka la kren shai ba lada ym lah ban pynbiang um ne pdiang ia ki nong pang kam banse ban khang tala lane shim da kiwei pat ki sienjam ia kane ka CHC kiba dei peit kin hap shim ia ka jing kit khlieh.
Ka seng ka la ioh ruh ban pynsngew sha u DM&HO halor ka jing bym biang por ki nongtrei kum ki chokidar, pharmacist, bad kiwei, ong ka kyrwoh khubor, na u samla Juhhi Tariang.
Phi don ban ong eiei?