Byrngem ka UHM-EJHD, ym ailad ban pynlong ia ka pynbna paidbah lashai ka sngi ha Brichyrnot

Shillong: Ka United Hynniewtrep Movement East Jaintia Hills Districts ka la byrngem ban khang lynti bad ban ym ailad ban pynlong ia ka jingpynbna paidbah (public Hearing) ka ba la thmu ban pynlong da ka State Pollution Board ka ban long la shai ka sngi ka 30 tarik u kyllalyngkot 2020 ha ka shnong Brichyrnot.

Na ka liang u President ka UHM-EJHD, u bah Yoomeki Kyndait u la iathuh ba na ka liang kane ka seng kin ym shah bad ailad shuh ia ka Star Cement LTD ba kan pynjot iaka mariang sha ki ne ki thain ki ba don ha Lumshnong East jaintia hills district ha ka jingthmu jong ka Stra Cement LTD ban khlong ia u mawshun ha Brichyrnot hajan ka Wah Lukha,haka jaka ka ba heh kumba 42.5 Heaters.

U la ong ruh ba ka UHM-EJHD kum ba ka la pynpaw ia ka jingpyrshah ha ka sien ka ba nyngkong ia ka jingthmu ban pynlong ia ka jingpynbna paidbah (Public Hearing) mynta ka kynti ruh kin ieng ha ka juh ka nongrim ba kin ym ailad ban pynlong ia kane ka public hearing.