Byrngem ka JAC, ka NEHU, ban nang pynjur ia ka jingiakhih pyrshah ia u VC

Shillong:Ka Joint Action Committee (JAC) ka dap da ka jing sngewkmen ban pyntip ba ka NEHU Students Union,ka la iasnohkti lang ban wanrah ia ka bha ka miat jong ka skulbah.

Ha kajuh ka por ka JAC ka la ai khublei ruh ia ka Meghalaya Tribal Teacher Association (MeTTA ) kiba la ai ia ka jingkyrshan tylli tyllan ia ka JAC, kaba la iakhun tylli tyllan ia ka mat haba iadei bad u Vice chancellor jong ka skulbah NEHU, u Prof Shankhar Shukhla u ba la kyrtiang dien noh ia ki jingdawa ba la buh sha khmat da ki lai tylli ki kynhun kiba don ha ka shatri jong ka JAC ba kynthup ia ka NEHUTA, NEHUNSA bad ka NEHUSU la slem bha.

Namar ka jing bym pat pdiang jong u VC ia ka jing dawa,ka JAC kan nang pynjur shuh ia ka jingiakhih pyrshah ia u VC jong ka skulbah ha kaba ka jingiakhih kan sdang hadien ka jingialang jong ka Academic Council.
Ka shithi ba la buh por khatduh da ka JAC katkum ka shithi NO-JAC/2023/02 jong ka 19 tarik Risaw 2023, ka long ban weng noh ia kito ki briew kiba la thungkam kontrak ia ki Technical/Senior Consultant ia u Rohit Prasad ka la kutnoh hadien ba u VC u la don bynta lang.

Ka JAC ka la pynpaw ruh ba kim don shuh da kiwei pat ki lad ki lynti, hynrei tang ban mih beit sha madan ban pynpaw ia ka jing pyrshah ia ka seminar ba 111 jong ka academic council ka ban long ha ka 31 tarik risaw ha ka por 11 baje ha multi use convention hall.
Nalor ka jingdawa ba dei ban wengkam noh shi syndon ia u Rohit Prasad,ka JAC ka la dawa ruh ban pynurlong sa ia kiwei- pat ki mat kiba dang sahteng haduh mynta, kata ka long kum ka jingthungkam kyrkieh ia u, statutory officer, University engineering & Director CDC,ka jingduna haba iadei bad ka jing pynmih ia ki jaka ai jingsumar,ki dawai dashin,ka jingbym pynmih byrta ia ka jinglaitbki kam ki bym dei ki kam hikai, ka jing pynsahteng ia ka jingtreikam jong ka GeM, kaba la ktha shikatdei ia ka jingwadbniah jong ki samla pule kiba pule Phd,ban pyllait noh ia ka kam hikai ia ki nonghikai bad ki nongtrei kiba don ha ki kam bala phah kyrpang, ka jing bym pynlong ia ka Convocation bad ka jing don ka jing bym shngaiñ hapoh ka skulbah.

Kine ki dei ki jingdawa ba la slem bha jong ki lai tylli ki kynhun kiba don ha ka skulbah NEHU, kiba u VC jong ka skulbah u la kyntait, ka jingbym kheiñ snep jong u VC ia ka sngibala buh ban weng kam ia u Rohit Prasad ne ban sdang leh eiei ia ki jingdawa ba la slem bha ba ki lai tylli ki kynhun ki la buh.
Kumta ka JAC kan sdang da ka jingiakhih ban ym iashim bynta ha ka Academic Council ba 111.
Lada ka jingdawa ym shem la leh eiei, kat kum ka jing dawa ka jingiakhih kan sdang bad lada u prof Shukla u sngewthuh ia ka jingdawa u dei ban leheiei noh na ka jingbha jong ka skul bah baroh kawei.