Byrngem ka ABVP, da ka mukotduma, na ka kam iashoh ha NEHU

Shillong:Ka seng Akhil Bhartiya Vidyarthi Pari shad (ABVP) Megha laya ka la kyntait mardor ia ka jingkynnoh jong u Ester son Sohtun, ba ki dkhot jong ka ABVP ki donkti ha ka huri hura ba la mih ha ka jinglehkmen ia ka Holi ha skulbah NEHU.

Haba iakren bad ki lad pathai khubor, u State Secretary jong ka ABVP Meghalaya u Tengku M Marak, u la ong ba ka jing kam jong u Vice President jong ka NEHUSU, ka long kaba bakla, namar u ruh u don lang ha katei ka jaka bad baroh ki lah ban ia snohkti lang ha ka jinglehkmen Holi, hynrei ha mar shiteng jong kane ka jinglehkmen, u la wan ha ryngkat ki nongbud ban ktah kti ia u wei u samla pule. “Hadien katto katne ngi la iohi ia ka jing iashoh ia dat bad ngi la pyrshang ban iada ia u tei u ba la shah shoh” ong U Marak.

Hynrei ha ka jingkren jong u Vice President jong ka NEHUSU u la kam ba ki dkhot jong ka ABVP ki la ktahkti bad shoh ia u ka long kaba bakla bad dei ban pynshisha mano ba ktah kti, lym kumta ka ABVP kan sa ujor da ka mukotduma bai mynrain khmat haba iadei bad kane ka jingshah kynnoh jong ka seng.
U la kynnoh ia ka kynhun ka jong ka ABVP ki la ktahkti nyngkong “Ngi don ha katei ka jaka bad ngi tip lut ia kaei kaba la jia bad ka jingkhot jong u Vice President ka NEHUSU ia ki nong pahara ban wan ha ka jaka ba pynlong ia ka prokram da kaba ong ba wan sha katei ka jaka namar kan sa don eiei ka ban jia,namar ki la don ka jingthmu ban thombor ha kane ka jinglehkmen Holi”.

“U la kam ruh ba u don ha hospital,kumno un leit sha hospital haba ngi khlem ktah wat tang ia ka met ka jong u ruh,ngim lah ban ngeit ba u la mynsaw bad u dei ban pynshisha bad lada u tip ba u dei u dkhot jong ka ABVP u ba thombor u dei ban ujor Ejahar pyrshah ia u tei u briew ba donkti bad ka Ïingbishar kan sa ai ia ka ba dei”, la ong Secretary jong ka ABVP Meghalaya.

U la pynshai ruh ba u Kamlesh um donkti satia ban ktah kti, hynrei u pyrshang ban pynjaijai ia katei ka huri hura bad kim shym la don satia ka jongtip ruh kumno katei ka jingiakulmar ka la mih.
Ki nongialam jong ka ABVP,ki la pynshai ba u Kamlesh Singh u dei u samla pule jong ka NEHU, namar u pule ha IGNOU kaba don hi hapoh jong ka skulbah NEHU bad baroh ki lah ban wan iashim bynta ha ki prokram lehkmen bapher bapher la ki dei ka Kristmas, Holi ne kiwei pat ki jinglehkmen.