Shillong: Ka Confederation Of Meghalaya Social Organisation (COMSO) mynta ka sngi ka la pynlong ia ka jingialang ban panpaw ia ka jingsngew sih ia ka jing bym wan rah jong ka sorkar jylla ia ka ain jong ka Inner Line Permit (ILP) ha Assembly.
Haba ia kren bad ki nongpathai khubor u Chairman ka COMSO u bah Robert Jahrin u la ong “Kum ba phi tip bad sakhi ia ka jingdawa ia ka jing pyntrei kam jong ka inter Line Permit (ILP)mynta la shisnem, ngi la khmih lynti ba kin wan rah ia ka ain ILP ha kane ka session ha Assembly, hynrei ha duh mynta ruh ngi khlem iohi ia ka Sorkar Jylla ba kan wan rah ia ka Meghalaya city and security act da ka ba wan rah ia ki kyndon jong ka ILP kane ka jingleh suki bad ka jingleh kuman jong ka sorkar Jylla ka wanrah ia ka jingma ia ki jait bynriew ha ka Jylla,bad lada ka Sorkar kam wan rah ia ka ILP ha kane ka Session Assembly ba mynta ngin pynbna ia ka jingiakhih.”
“Namar na ka liang u Amit Shah u nongialam ka BJP jong ka Sorkar pdeng u la kren tikna ba ka Sorkar Pdeng kan wan rah ia ia ka Citizenship Amendment Bill (CAB) bad hadien ba ka sorkar Assam ka wan rah ia ka National Registration Citizen (NRC) kam long shuh ba ngin dang ap ba ngin shu sngap namar ngim don kano ka no ka ain ka ba skhem ban ia da ia ki jaitbynriew” u la ong.
U la bynrap ruh da ka ba ong “Na ka liang jong ngi kum ka kynhun ngi la ia snohkti lang bad ka sorkar hynrei na ka liang ka Sorkar kam patiaw ngin hap pyni da ka ki kam ki ba tyngeh.”
Na ka liang ka COMSO ka kyrpad ia ki paidbah ka jylla ban ia snoh kti lang ha kaba ha ka 17 tarik u Nailur 2019 kan don ka jingialang paidbah, kum ka dak ban pynrem ia ka Sorkar Jylla bad kin bud da kiwei pat ki jingiakhih.
U la ong ruh ba kane kan trei kam tang lada ka sorkar kam wanrah ia ka ain ILP ha kane ka Assembly mynta ka ban kut la sngi thohdieng.
Nga kubur ba ka sorkar u Conrad ka dei ban pass da ka Official Resolution ban pynlong aiñ ia ka ILP namar ngim lah ban len ba ka Jylla ka don ha ka jingma kaba khraw na ka jingrung kyrthep ki mynder khamtam naduh ba ka sorkar Assam ka la pynmih ia ka final draft jong ka NRC.
Manla ki sorkar nga iohi ba ki leh mynthi khlem patiaw ia ka jylla bad ia ki trai hok kiba shong ha kane ka khyndew khasi watla hadien ba la dawa da kaba jaijai ne da ki jingiakhih. Ha ka jaka ban aibor ia ki paidbah jong ka ri kiba kyrshan bad ai jingjop,ai pynban da kaba leh kum ka sorkar u Dr. Mukul Sangma (MUA-II) da ka “Ordinance” pynduhbor ia ka Village Administrative Bill “VAB”. Kane ka sorkar pat,ha la jaka ban ai ia ka ILP ,thawlad pynban ban wanrah da kiwei pat ki ain. Pyrkhat bha ko para Ri mangi ba ia jied iala ki nongmih khmat. Ka ri Jong ngi kan kylla tripura khlem pep,ha to lajong synshar pat kiwei.
Peit sani bha ko para ri, ha man la ki department jong ki Govt Service la dap lut da ki General quota,ki khyndew ki shyiap la lut ba die sha ki khar poiei,ki iew ki hat,la synshar bad bat bor maki da kaba ki hundor maki ia ki mar rep ne bym rep,ym dei ki nongrep.
“Tur shaphrang shipai ka ri” la bri u hynniew trep.
Wat hadien ba ngi la Shah synshar katne ruh,ngim pat kyndit ngi dang ia nia para mangi.