Byrngem iakhih ka RBYDSO, lada ym mih ka Umsning

Shillong, 1 Nailar:
Ka Ri Bhoi Youth Development & Social Organisation (WRYDSO) ka la byrngem ban pyn long da ka jingiakhih lada ka sorkar kam lah ban pynmih noh ia ka Umsning Constituency ha ka elek shon MDC kumba leh ia ka MLA constituency.
U President ka seng, u Bah Dibishon Malai u la ong ba ka seng ka kyntu ia ka sorkar ba kan shimkhia ban pynkloi noh ia katei ka kam kaba la sahteng la bun bun snem.
U la ong ka sorkar kam dei ban pynlong kam kai ia katei ka Bill kaba la dep mynjur da ka Council ha ka dorbar ba dang shu dep. ‘lada ka sorkar ka lah ban pyntreikam ia katei ka bill, kam don jingmut shuh ia ka District Council ban dang shna bill,” ula ong. Halor kane ula ong ka seng kan ym shong klikti bad kan iaid shakhmat ban pynbor ia ka sorkar wat ban pynlong da ki jingiakhih kam pher tad haduh ba ka sorkar kan pyntreikam.