Bynshet ka BJP ha U President barim ka RBYF ban ialam ha Mawhati

Shillong, 20 Naitung:
U President barim ka seng bhalang na Ri-Bhoi ka Ri-Bhoi Youth Federation (RBYF) u Bah Banbuhai Makdoh u la pyniasoh bad ka seng BJP ryngkat ki nongkyrshan babun bah ha ka jingialang kaba long mynta ka sngi ha Mawhati.
Da kane ka jingrung u Bah Makdoh, ka BJP ka lah ban sei ia u ha ka elekshon ban sa wan kum uwei na ki nongialam ba kham samla na ka thain.
Ka jingialang kaba la long kaba shongshit bad Ishongkun ha kaba kumba 500 ngut ki paidbah ki la poi na kylleng ki Shnong ka Mawhati constituency da ka jingdon jong ki nongialam ka party kynthup u President ka BJP u Bah Shibun Lyngdoh, u General Secretary Bah David Kharsati, State President BJYM Bah Egenstar Kurkalang, ki riew rangbah na ka thain Bah Clement Shadap u President jong ki 22 tylli ki Dorbar Shnong. La ioh ruh ia ka jingkren kyntu kynpham na u Tymmenbasan P.M. Pamshong bad kiwei kiwei ki riew rangbah.
Ha kane ka jingialang la rai ruh da kawei ka jingmut bad jied ia u Bah Banbuhai Makdoh kum u President bathymmai. La ai jingkren ai khublei da u District President Bah Duruth Majaw, la ong u nongaiktien ka BJP u Bah L G Laloo.