Bynniaw ka KSU ia ka Pynursla Civil

Pynursla,15 Rymphang:
Ka KSU South Central East Circle ha ka ryngkat ki samla pule ka thain Riwar Pynursla ki pynpaw ka jingsngew bynniaw halor ka jing ia soi, ba la iasoi hapdeng ka Raid Shabong bad Ka Sorkar. Na ka liang U President ka Seng,Samla Ennocent Khongstia, U la ong ba ka long ka jingsngewkmen shi katdei eh ia ka jingwan ka Civil Sub-Division ha ka Thain, hynrei ha kajuh ka por ka long ruh kum ka khwan myntoi shimet, khlem da pyrkhat lang shuh ia ki parathain, khamtam ba ia ka Civil Sub-Division la prat lynti nyngkong eh da U Babu Pongka Sing na ka Shnong Mawryngkang ka Raid Mukertila ha U September 1984.Ha ba iakren bad u Asst. Secy ka seng,Samla Eleazer Diengdoh, u la ong “Haoid ngi dei ban ioh ia ka bhah thung kam kaba biang namar ba ngi la synniang ia ka jaka baheh na ka bynta ka tei ka Civil Sub-Division, hynrei ngi la dei ruh ban pyrkhat ia ki Samla pule ka thain Riwar, nalor ba ngi dang dei ha kajuh ka C&Rd block bad ruh ba kiba bun ruh ki samla ba nang bastad ki don ha kiwei pat ki Shnong bad ki Raid haba ia nujor tang bad ka Raid Shabong”.