Shillong: Ka seng ki samla pule skulbah hapoh ka lama ka North-Eastern Hill University Students’ Union (NEHUSU) ka la leit rung ha kamra u Vice Chancellor ka NEHU u Pro. Prabha Shankar Shukla ban khot noh ia ka jingialang ka Academic Council (AC) hapoh shi taiew ban iakren ia ki 10 mat kiba la mynjur ka University Grants Commission (UGC).
Haba kren sha ki lad pathai khubor, president ka NEHUSU u bah Sandy Sohtun u la ong ba ka seng kan rai ia ka sienjam shakhmat lada u Vice Chancellor um khot noh ia ka jingialang ka Academic Council.
Lah ban kdew ba u Prof Shukla ula kyntait ban kynduh ia ki nongialam ka seng hynrei ki nongialam ka NEHUSU bad ki dkhot kila rai ban leit rung beit kluk ha kamra jongu hadien ba kila ap ba un khot haduh 3baje janmiet.
“Ngi la pan por ban kynduh ia u VC ha ka por 1 pm hynrei hadien ba um lah ban pynthikna, ngi la iashong jingialang mar mar, bad ngi la rung da ka bor ha ka por 3 baje hadien ba um kwah ban kynduh bad ngi la pynsngew ba u dei ban khot noh ia ka Academic Council hapoh shi taiew”, la ong u bah Sandy.
Ha ka shithi sha u Vice-Chancellor, u bah Sandy u la ong ba ka seng ka la dawa ba dei ban pyntreikam mardor iaka Draft Ordinance OC-20, kaba la mynjur da ka 112th Academic Council Meeting kaba long ha u Jylliew mynta u snem na bynta ka kynhun pule 2022-2024 shakhmat.
Phi don ban ong eiei?