Bym ioh tulop, naduh ka 8 tarik Nohprah, yn shong shah thngan ki nongtrei ka MCCL

Shillong: Ki nongtrei jong ka Mawmluh Cherra Cement Limited (MCCL) hapoh ka lama jong ka Mawmluh Cherra Cement Employees’ Union (MCCEU) kan sa pynlong ia ka jingshong shah-thngan naduh ka 8 tarik Nohprah 2020, halor ka jingshah set tulop jong ki mynta la bun bnai.

Halor katei ka jingshong shah-thngan ka jong ki, la iathuh ba ki la wad buit ruh na ka sorkar jylla ban iarap lem ia ki ban pynbor ia ka kompani MCCL ba kan siew noh ia ka tulop ka jong ki ha kaba naduh u bnai Rymphang haduh u bnai Risaw, ki la don haduh 500 ngut kibym shym la ioh tulop satia, kynthup ruh haduh san bnai ka tulop naduh u snem 2015 haduh u snem 2016.

Katkum ka tyllong khubor ba la iathuh, ka MCCL ka hap ban siew haduh palat 1.40 klur tyngka shibnai ia kine ki nongtrei.