![](https://www.urupang.com/wp-content/uploads/2023/10/image-14.png)
Shillong:Ki nongtrei jong ka Jaiñtia Hills Autonomous District Council (JHADC) kiba don ha ka lama jong ka JHADC Staff Employee Association, ha ka sngi Balang ki la pynlong ïa ka jingïa khih paidbah ha phyl law ka Council namar ka jingbym ïoh tulop naduh u bnai Rymphang, 2022.
Lah ban pyn kynmaw hangne, ki nongkitkam ka association ha u Naitung 2022, ki la hap ban panmab hakhmat ka Executive Committee jong ka Council, namar ka jingïakhih ba ki pynlong bad kane ka la jia hadien ka jing kular jong u Myntri Rangbah ka jylla Conrad K Sangma, ban siew noh ïa ka tulop shuwa ka lehniam Behdieñkhlam.
Na ka liang u President ka Association Johnson Pohrmen, ula pyntip ba ki nongkitkam kila shah pynbor ban panmab khnang ba ki nongtrei kin ïoh noh ïa ka tulop kaba la kot haduh T. 35 klur ban sa pyllait ha ki khyndiat sngi.
“Namar ka jingbym ïoh satia ïa ka tulop kat haduh mynta, la pynbor ïa ka association ban shim ïa ka rai ïakhih bad ban ym kynran dien shuh tad haduh ba ka jingdawa ka la seisoh,” ula ong haba bynrap, “Ki nongtrei kila kloi ruh ban mad ïa kano kano ka jingpynshitom namar kane ka jingïakhih”.
Phi don ban ong eiei?