Bym don plan bad ki jingjurip ba biang, duh ei bun ki jaka

Shillong,21 Iaiong:
Ka Thma u Rangli Juki (TUR) ka la pyn sngewthuh paidbah halor ka jingduh ki riewlum ka thain shatei Lam Mihngi ia ki ba bun ki jaka jong ki , la pynlong ia katei ka jingialang ha Don Bosco Youth Centre, Laitum khrah. Ha katei ka jingia lang la ia donlang u Ra mesh Sharma na ka Ekta Parishad ban pynshai ia ki mat ba wanrah ia ka jingduh noh ia ki jaka, la donlang ruh ka kong Angela Ryngad, ka nongia lam ka TUR.
Ha katei ka jingia lang u Sharma u la pyn shai halor ka jingduh noh ia la ki jong ki jaka puta ka long ba kiba bun ki daw ka long ka jingtih ia ki marpoh khyndew,ka jing shna ia ki lynti syngkien da kaba pynpra ia ki lum ki them,ka jingshna ia ki karkhana ba bun jait kaba la pynlong ia kiba bun ki jaka da ki phew hajar akar ki la duh noh,ka jingskud jaka jong ka sorkar ha ka ban shna ia ki skul ki college,da ka jingthmu ban shna shnong thymmai da kaba kaba skud bun hajar akar khlem da don ka plan kaba biang kaba la pynlong ia ki paidbah ba kin duh noh ia la ka jong ki jaka ki puka duh .
Shuh shuh na ka liang jong u Sharma ula ong,ba na ka liang jong ka sorkar kam shym la pynlong ia ka jingjurip ha ka ban skud ia ki jaka na kata ka jingthmu ban pynlong ia ka shnong ba thymmai (New Shillong) ha ka jaka ba kan pynbha ia kaba la don lypa kine ki dei kiei kiei kiba la pynlong ia ka jingduh noh ia kiba bun ki jaka khlem da don ka jingplan ka biang,ka jingtih ia ki marpoh khyndew ruh ka wanrah ruh ia ka jingma namar haba wan ka jinglynshop ka mariang kum u jumai u slap kine ki jaka ki shong synjor bad ki lah ban twa bad lah ban duh noh ia kine ki jaka ha kano kano ka por,ka jingshna ia ki karkhana ba bun jait ruh ka pynlong ba kiba bun ki jaka ki paidbah ki duh noh ia ka jaka ba seisoh bad ka pynlong ia ka jing wan tur jong ki nongkyndong sha ki jaka sor namar kiba bun ki la duh noh ia la ki jong ki jaka.